Архив за 10 октября, 2013

У новым памяшканні Арт Сядзібы адбылося першае мерапрыемства

9 кастрычніка ў новым памяшканні «Арт Сядзібы» па адрасе зав. Інструментальны, 6 адбылося першае мерапрыемства: «Моўная сустрэча» з Вінцуком Вячоркай.

Гл. таксама: Моладзь развіталася з Арт Сядзібай 12 ліпеня (лета 2012 года), У зачыненай Арт Сядзібе ўсё ж паспелі правесці два мерапрыемствы (зіма 2012 года) і «Арт Сядзіба» сабрала «Сапраўдны беларускі канцэрт» (2013 год)

Art-Siadziba-u-novim-pamyashkanni-07

Гэтым разам з Вінцуком Вячоркай моладзь разбіралася з беларускім іменасловам. Спадар Вінцук адказваў на практычныя пытанні тых, хто мяняе пашпарт, рэгіструе нараджэнне дзіцяці, падпісвае пагадненне, вядзе дакументацыю. Удзельнікі мерапрыемства даведаліся, ці розныя імёны Дзмітрый і Зміцер, Аляксандр і Алесь, Кацярына і Кася, і ці ўсе яны афіцыйныя. Таксама разабраліся з іншымі моўнымі пытаннямі.

Пазней у новай «Арт Сядзібе» будуць ладзіцца творчыя сустрэчы, сэмінары, трэнінгі, кінапаказы і кватэрнікі. А таксама, як і раней, «Арт Сядзіба» будзе ладзіць канцэрты і фэстывалі.

(8 фота) Смотреть далее »

. Опубликовано 10 октября в рубрике Культура.  |  Один комментарий

10 кастрычніка адзначаецца Міжнародны дзень супраць сьмяротнага пакараньня

10 кастрычніка адзначаецца Міжнародны дзень супраць сьмяротнага пакараньня. У гэты дзень праваабаронцы Беларусі традыцыйна праводзяць сустрэчы з журналістамі і сваякамі пакараных і асуджаных да сьмерці. У праваабарончым цэнтры «Вясна» адбылася прэсавая канфэрэнцыя з удзелам праваабаронцаў і маці асуджанага Паўла Селюна Тамары Сялюн, а таксама Любові Кавалёвай, маці расстралянага Ўладзіслава Кавалёва, які быў абвінавачаны ва ўдзеле ў падрыхтоўцы тэракту ў менскім мэтро.

Smertnaya-kazn-v-Belarusi-press-konf-1

Маці асуджанага да сьмяротнага пакараньня Паўла Селюна Тамара Сялюн праз журналістаў і праваабаронцаў зьвярнулася да Аляксандра Лукашэнкі з заклікам памілаваць яе сына. Тамара Сялюн просіць Аляксандра Лукашэнку знайсьці магчымасьць сустрэцца зь яе сынам, каб пераканацца, што гэта чалавек, якому варта дараваць жыцьцё.

Тамара Сялюн кажа, што яна рабіла шмат спробаў, каб запісацца на прыём да Аляксандра Лукашэнкі, але нічога не ўдалося. Зараз яе адзіная надзея — гэта памілаваньне з боку прэзыдэнта.

17 верасьня Вярхоўны суд Беларусі зацьвердзіў прысуд Гарадзенскага абласнога суду адносна Паўла Селюна, які ў 2012 годзе забіў двух чалавек. Тамара Сялюн, калі апошні раз бачылася з сынам у ізалятары на Валадарскага, казала, што той напісаў прашэньне аб памілаваньні. Ён таксама спадзяецца на гуманнасьць Аляксандра Лукашэнкі.

(6 фота) Смотреть далее »

. Опубликовано 10 октября в рубрике Общество.  |  Прокомментируй!