У 18 траўня ў Менску пройдзе першы фэстываль акустычнай музыкі «Травень». Удзел прымуць «Людзi на Балоце», Тацьцяна Беланогая, Re1ikt, Naka piano…

На фэстывалі будуць прадстаўленыя самыя цікавыя беларускія каманды і выканаўцы, якія працуюць у плыні акустычнай музыкі. У першы тыдзень продажу можна набыць квіткі па самым мінімальным кошце.

Да заснаваньня фэстывалю «Травень» спрычыніліся інтэрнэт-партал Tuzin.fm, грамадзка-культурная кампанія «Будзьма беларусамі!» і творчая каманда паб-клюбу «Графіці», якія разам ужо праводзілі сэрыю канцэртаў «Тузін.Unplugged/Жывы Тузін», а таксама фэстываль «Пікнік.by-2012».

«Мы вырашылі, што гэты канцэртны сэзон трэба скончыць асаблівым канцэртам, а яшчэ лепей фэстывалем, каб сабраць разам улюбёных музыкаў-сонграйтэраў, найлепшых прадстаўнікоў бард-року, гурты, якія з дапамогай толькі акустычных інструмэнтаў дасягаюць неверагоднага гучаньня. Так і сфармаваўся лайн-ап першага беларускага акустычнага фэсту», — кажа галоўны рэдактар Tuzin.fm Сяргей Будкін. «Наш клюб заўсёды быў добрай пляцоўкай для акустычных выступаў. Але калі кожны з выступоўцаў пачынае зьбіраць аншляг, сумясьціць у адным канцэрце хаця б двух становіцца складана. Таму мы вырашылі, што прысьпеў час правесьці фэстываль з удзелам самых цікавых акустычных гуртоў на большай пляцоўцы», — дадае арт-дырэктар «Графіці» Андрэй Лазук.

Такім чынам, «Травень» пройдзе на сцэне клюбу «Мулен Руж» 18 траўня. Яго ўдзельнікі будуць прадстаўляцца паступова з 1 красавіка на сайтах Tuzin.fm, Budzma.by і Graffiti.by. Між тым, для тых, каму даспадобы ідэя арганізатараў фэсту, ужо могуць набыць квіткі на танцпляц. Да абвяшчэньня ўдзельнікаў кошт уваходу будзе самым мінімальным — 70 000 руб. (без камісіі, толькі праз паб-клюб «Графіці»). Ад красавіка квіткі будуць даражэць.

Інфалінія фэсту «Травень»: 638-44-44 (мтс, velcom, life)

На цырымоніі ў арт-цэнтры “Юла” назавуць імя новых уладальнікаў прэміі “Героі году” ад парталу Tuzin.fm., а таксама “Дэбют году”.

Ужо 11-ты год запар слушны беларускі партал “Тузін Гітоў” падводзіць вынікі музычнага году. Летась прэмію атрымаў гурт Akute, які быў па-за канкурэнцыяй. А вось сёлета ў шорт-лісце прэміі адразу пяць прэтэндэнтаў. “Нас цешыць той факт, што беларуская незалежная сцэна дасягнула такога ўзроўню. Шмат камандаў запомніліся сёлета сваімі канцэртамі, праектамі, песнямі і кліпамі. Радуе яшчэ больш тое, што такі ж багаты выбар сярод дэбютантаў”, — кажа кіраўнік парталу Tuzin.fm Сяргей Будкін.

У намінацыі “Дэбют году” на перамогу прэтэндуюць рэпер Sp Kava, фольк-эмбіент праект Dzivia, поп-рок гурт Hurma, псіхадэлічны Tonqixod, рамантычны дуэт Navi. Атрымаць званне “Героі году” маюць шанец :B:N:, N.R.M., Re1ikt, “Ляпіс Трубяцкой” і BosaeSonca.

Пераможцы па гэтых двух намінацыях будуць абвешчаныя непасрэдна на канцэрце, у якім выступяць шэраг намінантаў — Tonqixod, Hurma, Sp Kava, Re1ikt і :B:N:. Падрабязней пра намінантаў можна пачытаць тут. Весці канцэрт будзе музыкант і шоўмен Алег Хаменка. Па добрай традыцыі, наведнікаў чакаюць падарункі ад сталага партнеру «Тузіна Гітоў» – кампаніі «Будзьма беларусамі».

12 сьнежня (чацьвер). Менск, Арт-цэнтар «Юла», вул. Сурганава, 26. Прэмія «Героі году» ад парталу Tuzin.fm пры ўдзеле Tonqixod, Hurma, Sp Kava, Re1ikt, :B:N:.
Пачатак у 19:00. Кошт квіткоў — 60 000 (папярэдне), 80 000 (у дзень), 80 000 (столік, толькі папярэдне).
Тэлефон для даведак: +375 29 6872093
Квіткі можна замовіць і набыць у касах альбо он-лайн праз сайт KVITKI.BY

Штогадовы фестываль беларускай музыкі «Рок па вакацыях» у гэтым годзе адсвяткуе сваё 20-годдзе. У юбілейным канцэрце прымуць удзел ветэраны беларускага рока і адносна маладыя гурты.

Фестываль «Рок па вакацыях» — знакавае мерапрыемства для сучаснай беларускай культуры. У пачатку 90-х у маладой беларускай рок-супольнасці ўзнікла ідэя зладзіць для школьнікаў і студэнтаў свята нефармальных зносін пасля летніх вакацый і паказаць гатоўнасць музыкаў да новага канцэртнага сезона.

Першы фэст адбыўся 1 верасня 1993 года і да 1998 года праходзіў штогод. Затым рушыла ўслед доўгая паўза. З новымі арганізатарамі «Рок па вакацыях» адрадзіўся ў 2008 годзе і зноў праводзіцца кожны год.

На канцэрце, прысвечаным юбілею «Рок па вакацыях», выступяць музыкі, якія выступалі яшчэ на першых фестывалях: N.R.M., «Крама», Neuro Dubel, «Палац», Кася Камоцкая. Да іх далучацца гурты, якія атрымалі папулярнасць у апошнія гады: Re1ikt, Naka, «Зьмяя». Яшчэ адным сюрпрызам стане выступ расейскага рок-музыкі Вадзіма Курылёва, удзельніка гуртоў «Электрычныя партызаны», «Розныя людзі», ДДТ.

«Рок па вакацыях 2013» пройдзе 13 верасня з 18.00 да 23.00 у мінскім клубе «Цэнтр» (у будынку Палаца Рэспублікі). Квіткі паступяць у продаж 16 ліпеня і будуць даступныя ва ўсіх касах kvitki.by (толькі на танцпол, месцы за столікамі ў арганізатараў).

Кошт квіткоў: 90 000 (танцпляц, папярэдне), 110 000 (танцпляц, у дзень канцэрта); 110 000 (столікі за танцполам, папярэдне), 130 000 (столікі за танцполам, у дзень канцэрта); 260 000 (столікі збоку на дваіх , папярэдне), 280 000 (столікі збоку на дваіх, у дзень канцэрта); 1 300 000 (VIP-кабінкі на 10 чалавек, папярэдне), 1 500 000 (VIP-кабінкі на 10 чалавек, у дзень канцэрта).

Кант. тэл.: +375 (29) 6715865, +375 (29) 2544909

7-9 июня под Бобруйском проходит фестиваль экстремальных видов спорта «Волчьи Тропы 2013 Схватка». Два дня гостей и участников феста сопровождают живые выступления рок-групп. Примечательно, что концертная часть фестивальной программы состоит преимущественно из белорусских рок-команд.

В первый день феста для байкеров, мотоспортсменов и просто неравнодушных к хорошей музыке сыграли группы Re1ikt, Steve Cramer BAND, Akute, «Крама», «Дай Дарогу!», SkyNet и ZKM.

«Приветственный» концерт не обошелся без технических неполадок. Солист «Крамы» Ігар Варашкевіч был крайне недоволен качеством звука, а лидер «Дай Дарогу!» Юрий Стыльский так вдохновенно «рубил» на гитаре, что порвал струну. Однако публика с пониманием отнеслась к заминкам и горячо приветствовала «сапраўдны беларускі рок».

(33 фото) Смотреть далее »

Гурт Re1ikt 15 лістапада ў клубе RE:PUBLIC адыграў бясплатны канцэрт. У праграму увайшлі і старыя песні беларускага post metal-гурта, і новыя з альбому “Рэкі прабілі лёд”. Апошні альбом, дарэчы, не так даўно быў перавыдадзены.

Праграма канцэрту была разбіта на 2 часткі: першая была аддана пад больш лірычныя кампазіцыі, і нават саліст граў на акустычнай гітары. Другі ж акт спадабаўся аматарам музыкі «што цяжэй». Разам з Re1ikt выступілі таксама вакалістка гурта Рокаш Паліна Дулінец і лідар гуртоў Vuraj і Fratrez Сяржук Долгушаў.

Гл. таксама: Akute 3 лістапада ў RE:PUBLIC далі вялікі сольны канцэрт, «Камяніца» прайшла без Крамбамбулі, Попасть на концерты в клуб Re:Public теперь можно бесплатно, Предпраздничный концерт «БЕЗ БИЛЕТА» в Re:Public 7 марта і J:MOPC отыграл в Орионе песни «ИЗ КОСМОСА»

Крыху больш за год таму гурт Re1ikt выпусьціў свой трэці альбом “Рэкі прабілі лёд”. Гэта быў першы айчынны post-metal праэкт, які ўнікальны таксама тым, што прадстаўлены цалкам на беларускай мове. Ідэя пісаць па-беларуску ў гурта з’явілася даўно. Па словах бубнача Re1ikt Аляксандра Дземідзенкі, працаваць над альбомам музыкі пачалі яшчэ ў 2007 годзе.

-Пісаць па-беларуску хацелася вельмі. Тым больш, па-руску ёсьць каму сьпяваць. А мы ўсё ж гурт беларускі. І мова ў нас прыгожая, меладычная. Таму і трэкі атрымаліся адпаведныя – часам лірычныя, а часам нават містычныя (музыкі выкарыстоўваюць шмат народных матываў – аўт.) Я сам прыхільнік беларускамоўнай літаратуры, стараюся зараз сабраць бібліятэку цалкам зь беларускіх пісьменнікаў – класікаў і сучасных аўтараў. Таму з моваю шмат што зьвязвае, — падзяліўся Дземідзенка.

(20 фота) Смотреть далее »

Фолк-фэст «Камяніца» адбудзецца ў чацвёрты раз!
Генеральны партнёр фестывалю – ААТ «Банк БелВЭБ».
15 верасня – з 12 да 21 гадзіны

На галоўнай сцэне выступяць беларускія гурты: «Ліцвіны», «Крамбамбуля», FolkRoll і Наста Някрасава, «Гаротніца», Pawa, Re1ikt, Irdorath, Silver Sky.

Адмысловы госць – гурт «Іван Купала» (Расія) з хітамі і новым альбомам «Родина», запісаным паводле народных спеваў Палесся.

Сцэна аматарскіх калектываў – дзіцячыя і дарослыя хоры, ансамблі, гурты.

А таксама: традыцыйныя рамёствы, сярэднявечныя забавы, дэфіле і конкурс нацыянальных строяў, выставы фатографаў і мастакоў..

Кошт квітка для дарослых складае 25 тыс. руб, для школьнікаў – 12,5 тыс. руб, для дашкольнікаў і гледачоў у нацыянальных строях – вольны. Даведка: (033) 673 83 97. Усе грошы за ўваход атрымлівае музей, што дапамагае яму захоўваць экспанаты.

Месца правядзення: Музей народнай архітэктуры і побыту ў пасёлку Азярцо (5 км. за аўтарынак «Малінаўка»), дзе сярод маляўнічых лугоў можна пабачыць сабраныя з усёй Беларусі драўляныя дамы і іншыя пабудовы 18-20 стагоддзяў.

Як даехаць:
– На асабістым аўто альбо ровары (з роварам можна ўвайсці на тэррыторыю фестывалю).
– Рэйсавымі аўтобусамі 203, 262, 363, 277, 325, 357 ад аўтастанцыi «Паўднёва-Заходняя».
– Фестывальным аўтобусам (по заполняемости, бесплатно) ад прыпынка «Малінаўка 6» (скрыжаванне вуліц Слабадской і Громава) з 11 гадзін. Апошні аўтобус на Мінск ад’язджае ў 22.00.