Posts Tagged ‘фолк-фэст’

«Камяніца» прайшла без Крамбамбулі

15 верасня ў Музеі народнай архітэктуры і побыту ў пасёлку Азярцо прайшоў чацвёрты фолк-фэст «Камяніца». Дзевяць гадзін для некалькіх тысяч гледачоў спявалі Re1ikt, Ліцвіны, Irdorath, Pawa, FolkRoll, Nasta Niakrasava, Harotnica, Vuraj, Silver Sky, а таксама хэдлайнеры — расейскі гурт «Иван Купала». Не было іншага хэдлайнеру па-сапраўднаму беларускага оўпен-эйра: гурта Крамбамбуля. За дзень да мерапрыемства Лявон Вольскі ў ФБ паведаміў пра тое, што Крамбамбулі на фэсце не будзе.

Гл. таксама: Фолк-фэст «Камяніца» (2011 год), В Лошицком парке встретили праздник Ивана Купалы і «Цукеркавы фэст» прошел в Ивенце 16 июня

Учора дабрацца да «Камяніцы» было проста: ад Малінаўкі да фестывалю хадзіў спецыяльны бясплатны аўтобус. Варта адзначыць таксама, што квіткі на фэст традыцыйна вельмі танныя — усяго 25 тысяч рублёў, для школьнікаў 12500. А людзей, якія прыйшлі ў нацыянальных касцюмах, увогуле прапускалі бясплатна. Бачна, што арганізатары хацелі зрабіць цудоўны фэст і прыцягнуць увагу да яго хоць бы праз танныя кошты. І, адзначым, гэта атрымалася. Мерапрыемства прайшло пры падтрымцы ААТ «Банк БелВЭБ» — генеральнага партнёра, без якога фэст не адбыўся б. Не было гэтым разам і алкаголю на мерапрыемстве. Зусім не прадавалі, што можна разглядаць па-рознаму, добра гэта ці блага для такога фармату свята.

Фота: Мікіта Броўка

(19 фота) Смотреть далее »

. Опубликовано 16 сентября в рубрике Культура.  |  3 комментария

15 верасня: Фолк-фэст «Камяніца»

Фолк-фэст «Камяніца» адбудзецца ў чацвёрты раз!
Генеральны партнёр фестывалю – ААТ «Банк БелВЭБ».
15 верасня – з 12 да 21 гадзіны

На галоўнай сцэне выступяць беларускія гурты: «Ліцвіны», «Крамбамбуля», FolkRoll і Наста Някрасава, «Гаротніца», Pawa, Re1ikt, Irdorath, Silver Sky.

Адмысловы госць – гурт «Іван Купала» (Расія) з хітамі і новым альбомам «Родина», запісаным паводле народных спеваў Палесся.

Сцэна аматарскіх калектываў – дзіцячыя і дарослыя хоры, ансамблі, гурты.

А таксама: традыцыйныя рамёствы, сярэднявечныя забавы, дэфіле і конкурс нацыянальных строяў, выставы фатографаў і мастакоў..

Кошт квітка для дарослых складае 25 тыс. руб, для школьнікаў – 12,5 тыс. руб, для дашкольнікаў і гледачоў у нацыянальных строях – вольны. Даведка: (033) 673 83 97. Усе грошы за ўваход атрымлівае музей, што дапамагае яму захоўваць экспанаты.

Месца правядзення: Музей народнай архітэктуры і побыту ў пасёлку Азярцо (5 км. за аўтарынак «Малінаўка»), дзе сярод маляўнічых лугоў можна пабачыць сабраныя з усёй Беларусі драўляныя дамы і іншыя пабудовы 18-20 стагоддзяў.

Як даехаць:
– На асабістым аўто альбо ровары (з роварам можна ўвайсці на тэррыторыю фестывалю).
– Рэйсавымі аўтобусамі 203, 262, 363, 277, 325, 357 ад аўтастанцыi «Паўднёва-Заходняя».
– Фестывальным аўтобусам (по заполняемости, бесплатно) ад прыпынка «Малінаўка 6» (скрыжаванне вуліц Слабадской і Громава) з 11 гадзін. Апошні аўтобус на Мінск ад’язджае ў 22.00.

. Опубликовано 6 сентября в рубрике Анонсы.  |  Прокомментируй!