Результаты поиска:

Зміцер Вайцюшкевіч выступіў з канцэртам ў штаб-кватэры БНФ

20 сакавіка Зміцер Вайцюшчевіч выступіў з чарговым добрачынным канцэртам у Менску. Па словах самаго сьпевака, такім чынам ён спрабуе заахвоціць людзей удзелам у Дні Волі, правядзенне якога заплянаванае на 24 сакавіка.

Гл. таксама: Зміцер Вайцюшкевіч прыняў удзел у кампаніі «Рок-салідарнасць» і Раиса Михайловская стала «Рыцарем 2012 года»

Zmicer-Vajcyshkevich-vistupiy-z-kancertam-20-sakavika-v-BNF-10

Падчас канцэрту Зміцер Вайцюшкевіч не аднойчы зьвярнуўся да слухачоў з заклікам быць актыўнымі у нядзелю перад сьвятам 25 сакавіка. Адмыслова заклікаючы людзей выходзіць на вуліцы, сьпявак прадставіў прэм’еру песьні “Жыве Беларусь” на словы Ўладзімера Някляева.

Урачыстае шэсьце і мітынг з нагоды Дня Волі пройдзе ў Менску ў нядзелю 24 сакавіка. Прадстаўнікі дэмакратычных сілаў і інтэлігенцыя запрашаюць усіх неабыякавых беларусаў прыняць удзел ва ўрачыстасьцях. Збор удзельнікаў заплянаваны на 12 гадзіну ля сталічнага кінатэатру Кастрычнік.

(10 фота) Смотреть далее »

. Опубликовано 20 марта в рубрике Культура.  |  Прокомментируй!

Алег Хаменка аднавіў Калядныя сустрэчы

Калядныя сустрэчы з Алегам Хаменкам цяпер і ў клюбным варыянце. У сталічным клюбе Cafe Loft прайшла калядная вечарына, арганізаваная гуртом Палац пры падтрымцы музычнага парталу Тузін Гітоў і грамадскай культурніцкай кампаніі «Будзьма беларусамі!». Падчас імпрэзы можна было ня толькі затаньчыць пад калядныя хіты гурту Палац, атрымаць асалоду ад праніклівага выступу гурта Дзівасіл, але пабачыць і узяць удзел у традыцыйным калядаванні, якое арганізаваў гурт Guda.

Гл. таксама: Гурт Палац спраўляе 20-годдзе двума новымі рэлізамі і Гурт «Крама» адсвяткаваў 21-годдзе ў Гудвіне

Kalyadniya-sustrechi-v-Loft-Aleg-Hamenka-7-studzenya-23

Яшчэ на падыходзе да клюбу, мы былі прыемна зьдзіўленыя колькасьцю жадаючых узяць удзел у вечарыне. Яшчэ да пачатку мерапрыемства ў клюбе амаль не было вольных месцаў. Лідар гурта Алег Хаменка з задавальненнем і надзеяю адзначыў, што цяпер можна будзе казаць пра пачатак новай традыцыі клюбных калядак:

— Не хацелася б канешне, каб вечарына пераўтваралася ў Новы Год дубль два. Таму мы паглядзім, як пройдзе сёняшні вечар, зробім пэўныя высновы. А пасьля будзем плянаваць і арганізоўваць вечарыну з таго вопыту, што ўжо маем. На сёлеташняй вечарыне плянаваўся калядны дрэс-код. Але пакуль што госьці неахвотна падтрымалі гэтую ідэю. Думаю, што ў наступным годзе дрэс-код будзе больш сур’ёзны.

Ідэю калядных касьцюмаў падтрымалі дзяўчыны з адной са сталічных мадэльных школаў. Яны упрыгожыліся кветкамі і вянкамі. Як кажуць самі дзяўчыны, ідэя ім вельмі спадабалася, а таму б яны вельмі хацелі працягу такіх камеральных свьяточных вечарынаў.

Ну і канешне не абыйшлося без калядоўшчыкаў зь казою, мядзьведзем і буслом. Тэатралізаванае прадстаўленне, арганізаванае этна-гуртом Guda, захапіў усіх без выключэння гасьцей вечарыны.

— Мы паказваем сапраўдныя, аўтэнтычныя традыцыі калядавання на Беларусі. – кажа адна з удзельніцаў гурта Guda Наста Шпілеўская. – Мала таго, што мы самі ходзім калядаваць штогод, нам хочацца, каб народныя беларускія традыцыі жылі і карысталіся попытам асабліва ў моладзі. Вельмі прыемна, што нашыя добрыя сябры грут Палац нам у гэтым дапамагае. Ну і вельмі прыемна, што так шмат людзей прыйшло. Будзем спадзявацца, што гэта не ў апошні раз.

(24 фота) Смотреть далее »

. Опубликовано 8 января в рубрике Культура.  |  Один комментарий

Re1ikt выступілі з вялікім сольным бясплатным канцэртам

Гурт Re1ikt 15 лістапада ў клубе RE:PUBLIC адыграў бясплатны канцэрт. У праграму увайшлі і старыя песні беларускага post metal-гурта, і новыя з альбому “Рэкі прабілі лёд”. Апошні альбом, дарэчы, не так даўно быў перавыдадзены.

Праграма канцэрту была разбіта на 2 часткі: першая была аддана пад больш лірычныя кампазіцыі, і нават саліст граў на акустычнай гітары. Другі ж акт спадабаўся аматарам музыкі «што цяжэй». Разам з Re1ikt выступілі таксама вакалістка гурта Рокаш Паліна Дулінец і лідар гуртоў Vuraj і Fratrez Сяржук Долгушаў.

Гл. таксама: Akute 3 лістапада ў RE:PUBLIC далі вялікі сольны канцэрт, «Камяніца» прайшла без Крамбамбулі, Попасть на концерты в клуб Re:Public теперь можно бесплатно, Предпраздничный концерт «БЕЗ БИЛЕТА» в Re:Public 7 марта і J:MOPC отыграл в Орионе песни «ИЗ КОСМОСА»

Крыху больш за год таму гурт Re1ikt выпусьціў свой трэці альбом “Рэкі прабілі лёд”. Гэта быў першы айчынны post-metal праэкт, які ўнікальны таксама тым, што прадстаўлены цалкам на беларускай мове. Ідэя пісаць па-беларуску ў гурта з’явілася даўно. Па словах бубнача Re1ikt Аляксандра Дземідзенкі, працаваць над альбомам музыкі пачалі яшчэ ў 2007 годзе.

-Пісаць па-беларуску хацелася вельмі. Тым больш, па-руску ёсьць каму сьпяваць. А мы ўсё ж гурт беларускі. І мова ў нас прыгожая, меладычная. Таму і трэкі атрымаліся адпаведныя – часам лірычныя, а часам нават містычныя (музыкі выкарыстоўваюць шмат народных матываў – аўт.) Я сам прыхільнік беларускамоўнай літаратуры, стараюся зараз сабраць бібліятэку цалкам зь беларускіх пісьменнікаў – класікаў і сучасных аўтараў. Таму з моваю шмат што зьвязвае, — падзяліўся Дземідзенка.

(20 фота) Смотреть далее »

. Опубликовано 15 ноября в рубрике Культура.  |  Один комментарий

Гурт Палац спраўляе 20-годдзе двума новымі рэлізамі

Пабачылі сьвет ажно два новыя дыскі фолк-мадэрн гурта “Палац”. Гэта новы сёмы музычны альбом гурта “Кола грукатала” і першы ў сваім родзе казачны праэкт “Салдат-доктар”. Кожны з дыскаў безумоўна адметны.

Гл. таксама: «Камяніца» прайшла без Крамбамбулі, Фолк-фэст «Камяніца» (2011) і Фолк-гурт UNIA выступіў у Графіці 15 сакавіка

Праэкт “Салдат-доктар” – гэта музычная аповесьць, якую музыкі стварылі на падставе рэальна існуючай казкі. Лідар гурта Алег Хаменка займаўся пільным дасьледваннем матэрыялу і ўсяго, што зьвязана з гэтым сюжэтам, цягам васьмі гадоў:

— Гэтая казка можа быць яркай ілюстрацыяй таго, якім ёсьць беларус на самой справе, з усімі ягонымі праблемамі, комплексамі ды страхамі — кажа Хаменка. – Да таго ж, мы лічам, што беларускія казкі неабходна папулярызаваць, таму што ў нашай культуры шмат цікавых і выдатных аповядаў і казак. Толькі, нажаль, мала хто пра іх ведае. Таму гурт “Палац” зацікаўлены перад усім у папулярызацыі нашай беларускай культуры.

(10 фота) Смотреть далее »

. Опубликовано 14 ноября в рубрике Культура.  |  Один комментарий

У галерэі Ў ушанавалі памяць рэпрэсаваных пісьменнікаў

У ноч з 29 на 30 кастрычніка 1937 году ва ўнутраннай турме КДБ (амерыканка) з 500 рэпрэсіянаваных беларусаў страцілі жыццё 103 выдатных грамадскіх і культурных дзеячаў. У сталічнай галерэі Ў 30 кастрычніка прайшоў вечар памяці бязьвінна загінулых ахвяраў сталінскіх рэпрэсіяў. У вечары ўзялі ўдзел Мая Кляшторная, Радзім Гарэцкі, Анатоль Вярцінскі і Сяргей Законнікаў.

Гл. таксама: Дмитрий Строцев презентовал «Газету» в галерее Ў і Сяргей Дубавец

– 75 гадоў таму ў Менску адбылася жахлівая трагедыя, аналагаў якой няма ў сучаснай гісторыі – Беларусь страціла больш за сотню найлепшых сваіх прадстаўнікоў, сьвет сваёй эліты, – распачаў сустрэчу Сяргей Законнікаў. – Мяне страшна ўразіла адна рэч: калі вы расстрэльваеце людзей і хаваеце іх у патаемных магілах, хаваючы сьляды сваёй збродні, гэта азначае, што вы разумееце сваё злачынства і не маеце рацыі.

– Слова “тата” для нас было невядомае і амаль забароненае. Мама, калі нас пераводзілі з Казахстану ў Сібір, зьдзіўлялася, чаму бацька нас не шукае. І толькі пасьля мы даведаліся, што прысуд быў прыведзены ў выкананне. – на вачох дачкі растралянага Тодара Кляшторнага Маі Кляшторнай з’явіліся слёзы. – У часах адлігі бацька быў рэабілітаваны. Але што такое рэабілітаваны? Я не разумею гэтага слова. Я ведаю слова ўваскрос…

Па агульнапрынятым меркаванні ў часы Вялікай Айчыннай Вайны ў Беларусі загінуў кожны чацьвёрты. Нажаль дагэтуль невядома дакладная лічба рэпрэсіраванных і расстраляных. Магчыма, лічба ахвяраў сталінскіх рэпрэсіяў істотна большая за стаўшае ўжо ўстойлівым выразам “кожны чацьверты”.

(12 фота) Смотреть далее »

. Опубликовано 30 октября в рубрике Событие.  |  Прокомментируй!

На магілёўшчыне разьвіталіся з Крысьцінай Шацікавай

У нядзелю 23 верасьня прайшло разьвітанне з грамадскай актывісткаю, паваабаронцам Крысьцінай Шацікавай. Мужная і адчайная беларуская Піппі Доўгі Панчох – менавіта такой запомняць яе сябры, калегі і паплечнікі.

Гл. таксама: В Белгосфилармонии простились с Яковом Науменко

Крысьціна была надзвычайна шчырая і адданая асоба. Яна не пераставала бараніць чужыя правы нават будучы ўжо невылечальна хворай і амаль бездапаможнай. Нягледзячы на тое, што супраць яе стасавалі рэпрэсіі: спрабавалі закрыць у псіхушцы, паграджалі адабраць дзяцей – 16 і 14 гадовых сыноў, якія цяпер засталіся сіротамі – Крысьціна знаходзіла ў сабе сілы ісьці на перад да сваёй “рыжай” мэты – свабоды для сябе і свайго народу.

Апошнія дні Крысьціна правяла на бацькоўскім лецішчы ў вёсцы Дубінка Магілёўскага раёну. Яна пачувала сябе надзвычайна кепска, а лекары разводзілі рукамі – нічога больш зрабіць немагчыма. 21 верасьня стан яе крытычна пагоршыўся, і каля 17 гадзіны прыйшла страшная навіна – Крысьціны Шацікавай больш няма з намі…

Пахаванне Крысьціны прыпала на вельмі сымбалічны дзень – у Беларусі выбіраўся Парлямент. Менавіта таму на разьвітанне зь ёй сабралося ледзьве паў сотні чалавек. Крысьціна хацела на сваім пахаванні бачыць шмат кветак і прасіла зусім ня плакаць. Нават пасьля сьмерці яна засталася такой жа мужнай і задорнай беларускай Піппі.

Бывай, Крысьціна! Ты назаўжды застанесся ў нашай памяці…

(10 фота) Смотреть далее »

. Опубликовано 23 сентября в рубрике Общество.  |  3 комментария

Сябры БАЖ павіншавалі Ірыну Халіп з Міжнародным днём салідарнасьці журналістаў

Міжнародны дзень салідарнасці журналістаў (8 верасня) сябры БАЖ адзначылі разам зь вядомай беларускай журалісткай, спецыяльным карэспандэнтам Новай газэты ў Менску Ірынай Халіп. Пасьля акцыі пратэтсу супраць прэзыдэнцкіх выбараў 19 сьнежня 2010 году ў Менску, журналістка была асуджаная на два гады пазбаўлення волі з адтэрміноўкай выканання прысуду на два гады. Менавіта таму Ірына цяпер увесь час знаходзіцца ў Менску вымушаная выконваць умовы прысуду – не пакідаць месца жыхарства, па кожным патрабаванні супрацоўнікаў міліцыі і КДБ адчыняць дзверы для праверкі яе месца знаходжання, не выходзіць з дому пасьля 22.00.

Гл. таксама: Антон Сурапін [рэдактар BNP.by] віншуе ўсіх калег з Міжнародным днём салідарнасці журналістаў

— Калі мы ідзем на прагулку зь Данькам (5-ці гадовы сын Халіп), ён увесь час клапоціцца пра час, увесь час баіцца, што мы спазьнімся дадому, і мяне зноўку кінуць за краты, – кажа Ірына. — Да гэтага я хіба ніколі не змагу прызвычаіцца. Безумоўна, вельмі нэрвуе, калі яны прыходзяць па некалькі разоў на дзень, калі прыходзяць у 1.00, у 3.00 ночы. Але да ўсяго можна прызвычаіцца. Вось і я стараюся.

За 20 год, якія Ірына працуе журналісткаю, яна ні воднага разу не хацела кінуць сваю працу, заняцца чымсьці іншым. Нягледзячы на ўсе выпрабаванні, якія спаталіся на ейным шляху, яна шчыра верыць у журналістыку і моц слова.

— Хіба гэта не паказчык – мая сітуацыя. Нас баяцца. А гэта значыць, што ў нас уся моц, у нас вялікая сіла ў рукох – сіла слова. Таму я працягваю пісаць, я працягваю ісьці сваім шляхам. Гэта тое, што я раблю лепш за ўсё; тое, што я да таго ж вельмі люблю.

На 19 ліпеня 2013 году прызначаны суд, дзе будзе вырашацца далейшы лёс Ірыны. Магчымасьцяў усяго тры – пакінуць яшчэ год адтэрміноўкі прысуду, пасадзіць яе за краты ці вызваліць. Да кожнай з гэтых магчымасьцяў журналістка ставіцца спакойна.

— Калі першы раз мяне кінулі за краты, я ўяўляла, што гэта такая камандзіроўка. Ну ведаеце, людзей жа ж высылаюць на вайну, у гарачыя кропкі, у месцы катаклізмаў. Таму я намагалася як найбольш зьбіраць матэрыялу: заўважаць дэталі; адзначаць падзеі і людзей; запамінаць кожную дробязь, што са мной адбывалася. Таму я не зламалася. І не зламаюся. Гэта мая праца, а ў кожнай працы ёсьць свая ступень рызыкі. І я да яе падрыхтаваная.

Ірына Халіп унікальная жанчына, таленавітая і мужная журналістка. Яе ўпэўненасьць пераканоўвае і імпануе. Хіба, менавіта з-за такіх і дзеля такіх журналістаў Дні салідарнасьці абсалютна неабходныя.

Тэкст: Вольга Чарных
Фота: Сяргей Ягела

(6 фота) Смотреть далее »

. Опубликовано 8 сентября в рубрике Событие.  |  Один комментарий